أخبار الإنترنت
recent

ما كانصليش





بغيت كلشي يقرا هاد الموضوع .  
مهم بغيت نهضر مع الناس لي مكيصلييوش ولا مكيقدرووش يحافظو على الصلاة 
انقوليك واحد الحاجة راك عمرك غتكون فرحان ولا راضي على راسك ايلا مكنتيش كتصلي حينت كيبقا عندك واحد الفراغ فلداخل دياالك لي نتا اصلا معاارفش منااش يعني تقدر تكون خدام بيخير وعايش مزيان وكاع دااكشي لي باغي عندك ومع ذلك كتحس بواحد النقص وواحد الفراغ ...عرفتي علاش حينت نتا كتغذي ذااتك وعايش بيخير ولكن الروح تاعك "فيها الجوع" 
هادشي علاش ايلا كنتي بصااح باغي تشد الصلاة ومقادرش غنصحك شي نصائح لي انا فادوني قبل منك ..

-ايلا كنتي باغي تصلي خاااصك تكون بصاااح بااغي تبدا تصلي وعندك ارادة انك عمرك تقطعها واخا يطرا لي يطرا 
-حاااول قدر الامكاان متجمعمش الصلوات يعني تصلي كل صلاة فوقتها باش متجمعش عليك وتعكز وتقول تاني تال غدا
-وااحد الحاااجة مهمة خااصك تصلي باش الصلااة تريحك وتهديك باش تصلي باش ترتاح منها وفرض خاصك تساليه دغيا وصافي 
-فاش تكون كتصلي بلا ماتبقا تفكر فاي حاجة عرف بلي واقف قداام لي خالقك وعاطيك كاع دوك النعم لي نتا فيهم حاول تستشعر عليكم
واي حاجة بغيتيها طلبها من لي خلقك حسن من اي وااحد 
-هذا واحد الدعاء قولو فالسجود تاعك 3المراات غيعاونك تحافظ عليها "اللهم ياا مقلب القلوب ثبت قلبي على صلاتك " 
-فااش تكون كااعي وحاس بلي بووحدك فهاد الدنيا ومواقف معاك حد نوض توضا وصلي جوج ركعات وكااع داكشي لي كتحس بيه فرغو يعني خوي قلبك اقسم لك بالله بلي غتحس بواحد الراحة خيالية 
واخر حاجة صلي صلاتك ونتا باغي تصليها حينت عارف بلي فيها سعادتك وكون متأكد بلي ربي غيكمل عليك.
Oussama Elkostali

Oussama Elkostali

ليست هناك تعليقات:

إرسال تعليق

يتم التشغيل بواسطة Blogger.